Philippi 1:21
Pu Zoser Muanpuia
Branch Leader
“Keia tân zawng nun hi Krista a ni
si a, thih pawh hlâwkna a ni”
Nun Krista - thih hlawkna :
Hemi
a sawi lai hian Paula hian a hmabak a chian lohzia a hria a. Tan inah awmin
roreltute thuchhuak azirin chhuah emaw tihhlum (martar) a hmabak mek a.
Mahse
a engpawh chu lo thleng dawn se huai takin alo thlir tih a sawi a, a nun
avangin emaw a thih avangin emaw a taksaah chuan Krista chawimawiin a awm dawn
tih a beisei tlat a, a chhan chu," Kei atan zawng nun hi Krista a ni si a,
thih pawh hlawkna a ni", a ti ngam tlat a ni.
Paula
hian a dam chuan Krista a dam, a chet velnaah chuan Krista a che vel, a tih ang
chu Krista tih ang hialin a sawi a, a khawvel chu Krista a ni ber mai. Krista
chu a nunna hnar, rawngbawl hna petu, a chakna leh lawmman a ni, a engkim a ni.
A sawina dangah ," Kan nun pawhin Lalpa tan kan nung a, kan thih pawhin
Lalpa tan kan thi a ni si," a ti.
Krista
tana nunglo tan chuan thih hi a hlawk thei lo va, thlamuanna leh beisei tur a awm theilo. Mahse
Krista tana nungte tan erawh chuan thih hi a hlawk lo thei lo thung a ni tih
Paula hian a hmu chiang hle a ni, chuvangin ama tan chuan thih pawh Krista hnen
thlenna a ni tih hriain, Krista hnen thlen chu hlawkna ropui tak a nih hriain,
Pathian rorel chu huaisen takin a ngaichang mai a ni.
