Chawlhhmun Branch KTP ten Dt. 6.June,2011 (Thawhtan) zan khan Nl Vanlalvuli Group Nite kan hmang

NL Esther Lalawmpuii leh Nl Lalchhanhimi te an Duet

Tv C. Lalhmachhuanan Special Item ropui dangdai tak a nei.

Live Band Memeber-te hemi zan hian Musician-ah an trang

Dt. 8.June.2011 (Nilaini) khan Chawlhhmun Branch KTP te chuan Pathian rawngbawlna atana tangkai a nih beiseiin Bass Guiter (YAMAHA) thar kan lei ve a. Kan Bass Guiter lei thar hi kan hma lawk Bial Meet lo awm tur a, Live Band a tel tur ten an hmang tangkai nghal hle. A man hi Rs. 12550/- man a ni e.

Chawlhhmun Branch KTP Member Tv Daniel Lalrinmawia, IMEM Solo Competition a tel mek chu Top 9-ah a la tlinga kan lawmpui hle. Vawiin zing dar 10 atang dar 5 thleng hian SMS hmangin vote theih a ni a, a vote theihna number leh vote dan tur chu :

165 Daniel Lalrinmawia- tiin Mobile No. 9862446372 ah thawn tur a ni e.

A remchang apiangin vote theuh tum ang u..



Vawiin hian Chawlhhmun Branch KTP te chuan Pathian faka zai a lo nawm zawk beiseiin leh kan Bass Guiter neih sa a lo hlui deuh tawh bawk avangin Bass Guiter thar kan lei dawn a... a lei turin Pu Lalrotluanga, Treasurer ; Pu Lalsanglura, Br. CM leh Pu Zoser Muanpuia te an thang mek.... Bass Guiter thar kan neih theih nana malsawmna min petu Pathian chungah leh thahnem ngai taka thawk tu member-te chungah lawmthu awm rawhse....

Zanin hian Chawlhhmun Branch K.T.P Nl Vanlalvuli Group te chuan Group Nite Ropui takin an hmang dawn....

Vawiin zing khan Chawlhhmun Branch KTP Garmura lam Work Camp kal te chu tluang takin an rawn haw....

Tukin Zing Dar 6:00 vel khan Chawlhhmun Branch KTP te chu Garmura-ah Work Camp nei turin Kohhran Ramthar Committee te bul tum an kal chhuak ta. Work Camp a kal hi mi 30 lai an ni. Ruahman lawk ang chuan inrinni-ah an rawn haw leh ang.

Work Camp kal zawng zawng te tluang taka an thil tih tur ang ang te an tih theih nan duhsakna kan hlan a, kan tawngtaipui theuh dawn nia...

Aizawl West Area Masihi Sangati Meet Vawi 14-na chu Zanin atang hian Chawlhhmun Kohhran hman a ni dawn a, Natuk zanah a tiak ang.

     Dt. 9th May, 2011 (Thawhtanni) Dar 11:30 khan Pu Lalkhawngaiha (Patea) fapa Lalchhanchhuaha, thla 4 mi chu Pneumonia natnain a boral a, a ruang zanah tlaivar pui niin vawiin(Dt.10th May,2011 (Thawhlehni)) Dar 12:00 hian Pastor B. Vanlalduhan a vui ang. 

           Khawhar chhungte kan tuarpui takzet a, an tan tawngtaina i hlan fo thin ang u.

Lalchhanchhuaha (4 Months)

Dt. 23rd - 28th hian Chawlhhmun Branch K.T.P te chu Hailakandi-ah Work Camp nei turin kan kal dawn a, heta kan kal man senso hi Kohhran Ramthar Committee ten an tum dawn thung a ni. KTP Member-te tluang taka Work Camp kan neih theih nan Pathian hnenah tawngtaina hlan ang u.

Dt. 14th - 15th May, 2011 hian Chawlhhmun Kohhran te chuan West II Area Masihi Sangati Meet kan thleng dawn a, hetah hian KTP, Kohhran Hmeichhia leh Pavalai ten chanvo chi hrang hrang kan nei leh dawn a, mahni chanvo theuh te Pathian hruainaa hlen chhuah theuh i tum ang u. Kan chanvo tur te :-

KTP lam -

• Ushering Sub-Committee
• Light & Sound Sub-Committee
• Badge & Banner, Traffic & Security Sub-Committee
• Reception & Medical Sub-Committee

Kohhran Hmeichhe lam -

• Refreshtment (Thingpui)

Pavalai lam -

• Ruai

Dt. 14th - 15th May, 2011 hian Chawlhhmun Kohhran te chuan West II Area Masihi Sangati Meet kan thleng dawn a, hetah hian KTP ten chanvo chi hrang hrang kan nei leh dawn a, mahni chanvo theuh te Pathian hruainaa hlen chhuah theuh i tum ang u.

Vawiin hian Chawlhhmun Branch KTP Garmura lam Work Camp kal te chu tluang takin an rawn haw....

Dt. 22nd April, 2011 (Good Friday) khan Chawlhhmun Kohhran te chuan Urhsun takin Good Friday kan hmang a, hemi ni hian Synod Moderator Rev. C. Lalsangliana'n hun a hmang a ni. Dt. 21st April,2011 (A lungngaih zan) khan Lalpa zanriah Sacrament a buatsaih a, Kohhran inkhawm kan thrahnem hle.Tunlai hian Kohhran zaipawl ten hla kan rem zing hle, kan rem leh zel dawn -

Dt. 21st April,2011 (A lungngaih zan) - Kraws lera authawm

Dt. 22nd April,2011 (Good Friday) - Ka tan i tuar

Dt. 24th April,2011(Easter Sunday) - Chorus

Good Friday ni hian Rosangliana Group leh Vanlalvuli Group ten thingpui an lum a, Easter Sunday hian Lalringengi Group leh D. Hmingchunglura Group ten thingpui an lum ang.

Easter Sunday zing dar 4:00 hian KTP ten Sunrise Service hmangin kawng kan zawh ang.

Dt. 20th April, 2011 (Nilaini) hi Chawlhhmun Branch K.T.P kum 30 (Pearl Anniversary) ni a ni a, he ni lawmawm tak hmang thleng theia min hruaitu Pathian hnenah lawmthu awm rawhse.

Kan Pearl Anniversary hriat reng nan hian Zauthang Camping Centre Chawnpui hnenah tanpuina, Buhfai Bag 2 kan hlan a, remchang hmasa berah Work Camp neih tum a ni bawk.

Dt. 10thApril,2011 (Pathianni) chawhnu atanga zan lam thleng khan Chawlhhmun Kohhran chuan Pavalai Area II Meet kan thleng a, hetah hian Speaker atan Rev. Lalchangliana hman a ni a, a ni hnen atang hian Pathian thu chah ropui tak tak ngaihthlak a ni. He Meet-ah hian K.T.P te leh Kohhran Hmeichhiaten a tul ang hrang hrang kan buaioui a, kan chanvo theuh te Pathian hruaina zarah tluang taka kan hlen chhuah theih avangin a lawmawm hle.

Dt. 15th - 17thApril,2011 khan Luangmual Pastor Bial Inkhawmpui kan thleng leh bawk a, hetah hian Thlarau lam thupui atan "Ringtu nun nghet" (Matthaia 7:24,25) hman niin Thupui Sawitu atan Pastor B. Vanlalduha, Bialtu Pastor hman a ni. Palai kal pawh kan tha hnem hle.

Hemi tum hian Nu hoten Refreshment lam, Pavalaiten Ruai lam an buaipui a, a bak tul dang awm hrang hrangte KTP lamin kan buaipui bawk. Hetah hian kan chanvo theuh te Pathian hruaina tha taka kan hlen chhuah theih avangin a lawmawm hle.

Chawlhhmun Kohhran ten kumin hian Bial KTP Conference, Pavalai Area II Meet, Luangmual Pastor Bial Inkhawmpui kan thleng tawh a, Masihi Sangati Inkhawmpui thleng turin kan inpuahchah leh mek, hei bakah pawh hian inkhawmpui dang neuh neuh pawh kan la thleng chho leh dawn...

Vawiin (Dt. 24.3.2011) zing kar khan Kohhran Committee in a rel angin Naisingpara a, Bru kang tuar tanpui nan K.T.P ten Kohhran In tinah kalin thawmhnaw hak hlui te kan khawn a, hetah hian thawmhnaw buara bag 15 leh Rs. 814 lai kan hmuh. Keini Chawlhhmun Kohhran te mai bakah hian Synod hnuaia kohhran hrang hrang te pawhin an khawn khawm ve bawk a ni. Heng thawhnaw te hi naktukah hian Synod Moderator Rev. C. Lalsangliana'n a tul angin a hmuna kalin a hlan ang.

Bial K.T.P Hruaituten min rawn tlawh

             Dt. 22th 3. 2011 (Thawhtan) zan inkhawmah khan Luangmual Pastor Bial K.T.P hruaituten min rawn tlawh a, he hunah hian Tv Robert Lalthanmawian, Secretary-in inkhawm a kai hruai a, Pu MS. Rinthanga, Fin. Secretary-in Slide Projector hmangin K.T.P Hand Book leh Inkaih hruaina Dan min zirtir a, a inpuahchahna a tha bawk a, a hlawk thlak hle a ni. Zirtirna a pek pah hian zawhna leh chhanna hun hman a ni a, Member-ten kan hlawk pui hle a ni.

Pickle Zuar
Zanin hian Nl H. Lalrinengi Group-te Pickle zuarin an hnatlanga an hralh thei hle mai. A dawrtute zawng zawng chungah khan lawmthu an sawi a ni e.

Begabegi Work Camp

Dt. 9th March, 2011(Nilaini) khan Ramthar Committee te hmalakna in Begabegi-ah Work Camp neih a ni a, he Work Camp-ah hian Ramthar Committee-ten Biak In an lo sak pui tawh sa a bungrua tur Pulpit leh thutthlengte bakah thil pek chi hrang hrang an ken sak a ni. Tum lawk dan chuan Dt. 14th March, 2011 (Thawhtan) ni hian Work Camp a kalte hi an lo haw leh ang.
Begabegi Work Camp a kal te chu :
1. Upa Dengchhunga
2. Pu C Hrangkunga
3. Pu Saihnuna Sailo
4. Pu Lalnuntluanga
5. Pu R Rohnuna
6. Pu PC Vanlalhluna
7. Tv Rinchungnunga
8. Tv Laldingngheta
9. Pi Lalramliani
10. Pi Ramdini
11. Nl Dingpuii
12. Nl Lalthanpuii
13. Pu R. Vanlalarzova
14. Tv Lawma

K.T.P Hnatlang

Nl Vanlalvuli Group-te chuan Kohhran leh Vengchhung Telephone Directory siam tumin an buaipui mek a, intina lut chhuakin Telephone No. lakhawmin hnatlang an nei thin a, tun tum(Dt. 22.2.2011 Zan) hi an vawi 5 hnatlanna a ni tawh a, Dt. 25.2.2011(Zirtawp) zan hian hnatlang neih leh an tum a ni. An Telephone Directory siam tur hi an peih fel tep tawh a, an peih fel velah lo dawr theuh kan tum dawn nia.

Dt. 22.2.2011 Zan khan Pu Rosangliana Group-te chuan Pu C. Lalramliana te In hnuai leivung paih in an hntlang a, leivung hi a tam tham deuh avangin vawi 5 vel lai an hnatlang tawh a ni.

K.T.P Hnatlang

             Kohhran Ramthar Committee te hmalaknain Begabegi Kohhran Biak In sak pui a ni tawh a, thutthleng leh pulpit te siam sak leh tum mek a ni a, vawiin (Dt. 19th February, 2011) hian KTP ten thutthleng siam hnatlang hi an nei a, Member thawk chhuak te an hlim tlangin, an thawk hnem hman hle a ni. An thutthleng siam hi heta remkhawm sa lovin a hmunah phurh thlaka remkhawm mai tum a ni. Begabegi Biak In sak tanpui nan hian Kohhran mi leh sa eng emaw zatin sum leh pai, tha leh zungte an seng hlawm a ni.

Chawlhhmun Kohhranin Pathian an Chawimawi

January, 2011 lai hawl vel atang khan Chawlhhmun Kohhranah chuan hrahna danglam tak, Nl Lalthanpui Pathianin damna a pek kal tlangin a lo thleng a, he harhn hian zual lam a pan zel a, tichuan Chawlhhmun Kohhran awmtirh a la awm ngai lo Dt. 16th February, 2011(Nilaini) khan Chawlhhmun Kohhran te Pathian Chawimawina hun kan hmang a, nileng a, zaikhawmin tlaiah ruai theh a ni. Tunlai hian zantinin Pathian fak leh chawimawia zaikhawmna hun hman chhunzawm zel a ni.

Luangmual Pastor Bial Kohhran Hmeichhe Inkhawmpui Vawi 27-na

Dt. 11th, February, 2010 (Zirtawp) zan atanga Dt. 13th, February, 2011 (Pathianni) zan khan Luangmual Pastor Bial Kohhran Hmeichhia te chuan Inkhawmpui Vawi 27-na Luangmual West Kohhranah an hmang a, hetah hian Bial Zaipawl te leh Bial chhung Kohhran Zaipawl te bakah Kohhran Hmeichhe tin ten Zaipawl an nei a ni.

Agape Centre a kang

Dt. 11. February. 2011 (Zirtawp) zan Dar 5:45 vel khan Agape Centre chu a kang a, vanneihthlak takin thi leh hliam an awm lo hlauh. Agape Centre hi Pu R. Pakunga, Chawnpui a mi building luah hawh a ni a. A building hi a ban cement, a hnuai lam bang dap, kawngah a bang cement, a chhuat cement a ni a. A chung lehah a varandah chhuat cement, a chhung chhuat thing zai niin a bang dap leh a chung rangva a ni. He centre-ah hian thawktu te nen mi 17 velin an riah chilh thin a ni.

Pu Zaisiama kan chan ta.....

Dt. 7.2.2011 (Thawhtan) Zing dar 2:25 bawr vel khan Pu Zaisiam chu thawhah avangin a boral

KRISTIAN THALAI PAWL
LUANGMUAL PASTOR BIAL
2011-2012 Chhunga Hruaitute

Office Bearers :

Leader : Tv C. Lalnuntluanga, Luangmual Branch
Asst. Leader : Dr. Samuel Vanlalthlanga Luangmual West Br.
Secretary : Tv Robert Lalthanmawia, Luangmual West Br.
Asst. Secretary : Dr. PC. Vanlalhluna, Chawlhhmun Branch
Treasurer : Nl Lalremsiami Sailo, Chawlhhmun Branch
Fin. Secretary : Pu MS Rinthanga, Luangmual Branch

2011 Bial K.T.P Committee Members :

1. Pu PC. Lalhnuna Luangmual Branch
2. Pu H. Lalrosanga Luangmual Branch
3. Nl Malsawmtluangi Luangmual Branch
4. Pu Pu Lalthantluanga Chawlhhmun Branch
5. Pu H. Lalremruata Chawlhhmun Branch
6. Nl C. Ramengmawii Chawlhhmun Branch
7. Nl Vanlalnunmawii Luangmual West Branch
8. Pu C. Lalliana Luangmual West Branch
9. Pu Laltlinpuia Luangmual West Branch

Ex - OFFICIO :

1. Pastor B.Vanlalduha - Bialtu Pastor
2. Upa Lalduhoma - Bial Chairman
3. Upa H. Zoliana - Bial Secretary Sr.

Kristian Thalai Pawl : Luangmual Pastor Bial Confernce Vawi 27-Na chu Pathian kaih hruaina in Dt. 21 - 23 January, 2011 chhung khan tluang taka hman zawh a ni ta a...

Para leh a thian ten Amen Rau lo Band an din ve hmiah mai...

Pu H. Lalremruata leh a naute ho tual chai lai

Uhser ho hi an in dek nalh thei vawt vawt a sin...

Zai thiam lar chho zel tur te

Bial Zaipawl te an zai thiam thin hle...

Speaker pawhin a sawi tha thin hle

Bial Hruaitute leh Puipa te

Kum 2010 -2011 Bial OB te

Information Sub-Committee te an buai thei hle...

Fatute hi lang lo lama mi tangkai te an ni.. fak an phu hle... Fak pawh kan fak hlawm hle mai

Kristian Thalai Pawl, Luangmual Pastor Bial Conference Vawi 27-na (Dt. 21 - 23, January, 2011) thleng turin Chawlhhmun Branch K.T.P te chu kan inpuahchah nasa hle tawh a, zan dar 12 pelh thleng thlenga hnatlan chang kan neih zauh zauh ta mai, Bial K.T.P Member zawng zawngte he Conference hlim taka hmang tur hian duhsakna sang ber kan hlan a che u a, kan sawm bawk che u a ni.
Conference-ah hian Inrinni tlai leh Pathinani tlaiah ruai tui hnai tak bautsaih kan tum bawk.