Share in Whatsapp

Monday, February 7, 2011

Pu Zaisiama kan chan ta.....
Dt. 7.2.2011 (Thawhtan) Zing dar 2:25 bawr vel khan Pu Zaisiam chu thawhah avangin a boral
KAN THEN TAK, ZAISIAMA (71) CHANCHIN Zaisiama hi Laldailova (L) leh Lallianchhungi (L)-te fa hming koh niin 14.2.1940 -ah Sumsuih khuaah a piang a. Unau mipa 7 leh hmeichhia 2 an ni a, chungte chu an upat dan indawtin – 1. Zaisiama H/o Dingpuii, Chawlhhmun 2. Kawlramthangi (L), Sumsuih 3. Thangzuala H/o Sawnthangi, Sumsuih 4. Zoramliana H/o Dothangi, ITI veng 5. Zokhuma (L), Sumsuih 6. Khawlkungi (L) Sumsuih 7. Thangthuama H/o Sangthangpuii, Chawlhhmun 8. Ramdinthanga H/o Lalhlenzovi, Lawngtlai 9. PC.Pachhunga H/o Laltlanhlupuii, Bawngkawn Ni 27.10.1959-ah Sangkungi D/o Thanglura (H.Laldanglovi-te unau upa ber) nen Sialsuk kohhran Biak Inah Rev.Thangpuiliana kutah an innei a. Sangkungi nen hian fapa 3 leh fanu 1 an nei a, chungte chu - 1. Kapchawala (L) H/o Lalhuliani (Latei), Lengpui 2. Lalhmangaiha H/o Lalnunthari, Chawlhhmun 3. Lalduhthlani (L) 4. Lalthankhama H/o Lianthangpuii (Mathangi), Tualpui Kum 1977 -ah Sumsuih atangin Chawlhhmun-ah an pem a; a puzawn, Pu Thanglurate hian an inhmun sahthlakin an lo chhawmdawl a, an ni zarah hian an dinhmun pawh zawi zawiin an insawhnghet ve a. Vanduai thlak takin kum 1986 January ni 24-ah a nupui Sangkungi hian a thihsan a. Zaisiama hi mi tawng tamlo leh thenrual pawl thiam ni lo mahse Chawlhhmun khawtlang mipuite duhsakna avangin V/C term hnih (1984- ’86; 1994 – ’96) atan thlan tlin a ni ve a.
 1997-ah tuna a nupui Dingpuii nen hian Tlungvel kohhran Biak Inah an innei a; fa 2, Ramtharnghaki leh Isaak Lalnunhlima te an nei a. Tu 27 a nei bawk. Chawlhhmun tlangvenga an inhmun tiralin tuna an awmnaah hian 2007-ah an insawn thla a.
 Kum 2006 vel atang khan natna sawi em em tur nei si lovin taksa chak lovin hna a thawk thei vak lova, zawi zawiin a chaklohna a lo zual zel a, thawhah -in a tlakbuak avangin ngaihtuahawm taka awm chang a neih tak avangin Doctor-te rawnin Damdawi Inah luhpui a ni ta fo va. Durtlang Damdawi Inah tum hnih luhpui a ni a, Bethesda Damdawi Inah tum hnih luhpui a ni bawk. A thawhah a nasain a taksa a chak loh em avangin tawng pawh a tawngri thei ta meuh lova, 24.1.2011 khan Bethesda Hospital-ah admit a ni a. Doctor leh Nurse-ten theihtawp chhuaha an enkawl pawhin thatlam a pan thei ta meuh lova. 3.2.2011 zing khan amah awmpuitute kokhawmin Pathian ropui zia leh Pathian hausak zia Pathianin a hmuhtir chu a hrilh a, thi mahse Pathian hnenah thlamuang taka a chawlh tur thu hlim takin a sawi a ni. Zawi zawiin a hniam hret hret a, Chronic Olestructive Pulmonary Disease (COPD), thawhah natna avangin tukin zing (7.2.2011) dar 2:25 khan min lo peihloh san ta a ni.

No comments: