Agape Centre a kang
Dt. 11. February. 2011 (Zirtawp) zan Dar 5:45 vel khan Agape Centre chu a kang a, vanneihthlak takin thi leh hliam an awm lo hlauh. Agape Centre hi Pu R. Pakunga, Chawnpui a mi building luah hawh a ni a. A building hi a ban cement, a hnuai lam bang dap, kawngah a bang cement, a chhuat cement a ni a. A chung lehah a varandah chhuat cement, a chhung chhuat thing zai niin a bang dap leh a chung rangva a ni. He centre-ah hian thawktu te nen mi 17 velin an riah chilh thin a ni.
Kangmei hi Inveter Short atanga intan ni a hriat a ni a, centre awm te hian zan Dar 6 velah inkhawmna hun an hmang thin a, inkhawm tan hma deuh chaw ei kham hlim a Tv an en laiin inverter awmna room lamah thawm an hriat avangin an va en a, a lo kang nasa tawh hle mai a. Rei lote chhungin thelh hleih theih loh khawpin a kang ta a ni. In hnuai ber hi choka a ni a, choka erawh a him hram a, bungrua tlem azawng chu thiar chhuah hman a awm a, tih loh chu Bungrua, pawisa, thawhnaw awm ang ang, cheng nuai chuang lai man hu vel a kang chhe vek mai a ni.
Kangmei chhuah a nih atang reilo teah Y.M.A Information-ah tanpui tura au a ni nghal a, khawtlang mipui thahnem tawk tak kangmei awmna lam panin an tlan khawm a, Fire Department lamte hrilh hriat nghal a ni a. Anni lam pawh traffic zam karah a hma thei ang berin an rawn thleng a, an ni tanpuina in chak taka hma lak a ni a. Choka chu hum him theih a ni ta hram a ni.
A tuk (12.2.2011) ah hnatlanga an riah hmun tur te leh mei kangin a tih chhiat tak buarua te thian faia khawtlang hnatlang koh a ni a, hnatlang te thingpui inna seso tur leh a tul apainga hman atan m,i thahnemngai ten tanpuina chi hrang hrang Y.M.A te kaltlang leh Agape lam hotute hnenah an hlan bawk a ni.
1 comment:
In blog in maintain tha hle mai....kan blogah link kan lo dah sak a che u.
Post a Comment