K.T.P Chawlhhmun Branch

Pi Hualkungi W/o Pu P.C. Rinpuia chuan Dt. 22nd October, 2010 (Zirtawpni) khan chatuan ram min lo pansan ta..

(1950 – 2010)　

VUINA PROGRAMME
VUITU : Pro. Pastor R.LALTHLENGLIANA

VUI HUN : 23.10.2010 Dar 12.00

THUSAWI : CHHUNGKAW AIAWH

THUCHAH TAWI : VUITU

VUINA HLA : VAN HMUN ROPUI... KHB 489

THLANMUAL LAMAH : UPA ZATAWNA 

CHANCHIN TLANGPUI

Pian leh Murna : Pi Hualkungi hi Pu Chhingkama (L) leh Pi Rozingi (L) te fa 7 zinga upa ber dawttu niin Chhawrtui khuaah 28th November, 1950 khan a lo piang a, an unau chu hetiang hi an ni :

1. Zaikungi (L) W/o Lalneihthanga, Luangmual

2. Hualkungi (L) W/o PC. Rinpuia,Chawlhhmun
3. Nundanga H/o Hrangchhuani, Maubawk
4. Lalmuana H/o Lawmpuii, Central Jail veng.
5. Rongailova H/o Zothanpari, Chawlhhmun
6. Rinchungnunga, Chawlhhmun
7. Laldinthari W/o Lalvuana (L), Chawlhhmun
      Pi Hualkungi hi Chhawrtui-ah seilianin 1968-ah Aizawlah lo lutin Chawlhhmunah an in bengbel zui ta a ni. 1974-ah Pu P.C. Rinpuia nen inneiin fa 2 an nei a, chung te chu :
1. P.C. Lalhmingthangi
2. P.C. Vanlalvena
      Pi Hualkungi hi taksa leh pianphungah mi chak tak ni lo mahse mi taima tak leh Pathian ring tlat mi a ni. Chawlhhmun Kohhran a lo din tirh khan Kohhran hmeichhe hruaitu lo ni tawhin chawimawina pawh a dawng tawh nghe nghe a ni. Bible Society-ah hian Patron Member ni lai mek a ni a, MUP ah hian Life member a ni bawk.

A nat dan tlangpui : Hun engemaw chen atang khan ruhseh pui natnain a tlakbuak a, thenrual pawl thei lovin leh Biak In pawh thleng thei lovin kum 10 chuang zet a awm a ni. A natna chungchangah hian Doctor thiam te rawnin Pathian lama tihdam theihna nei an tih apiangte pawh pan pui thin a ni a, engmah a ang tak tak thei lova. Kum 2009 tawp lam khan a ruhseh hian ziaawm lam panin Sunday School-ah hemi kum September thla vel khan hming te a dah ve a, nuam a ti em em mai a, kum 2010-ah pawh Sunday School te kalin Pathianni hmasa pawh khan a la inkhawm a, hei hi a inkhawm hnuhnun ber a ni ta a ni.

A hun hnuhnung : 20th Sept. 2010 (Thawhtan) khan a Hrawk a sawisel avangin Doctor pan pui a ni a, investigation hrang hrang tih a nih hnuah Cancer a ni tih hriat chhuah a ni a, he a Cancer avang hian a taksaah engmah na insawisel tur a nei lem lova, amaherawhchu, tun kar chho atang khan khawsik zeuh zeuh a nei tan a, a chaw ei te tui lovin a taksa a chak lo chho zel a, ni 21.10.2010 (Ningani) khan Drip khai a ni a, hemi hnu hian that phah deuhvin TV en pahin inleng te pawh a kawm thei a. Hemi ni tlai dar 6:00 vel atang khan a natna hi lo chhuak lehin na chhawkna pawhin a natna chu a chhawk zo ta lova. 22.10.2010 (Zirtawpni) chawhma dar 11:15 khan Chatuan ram min pan san ta a ni.