Saturday, October 16, 2010

Pu Ramfangliana chuan Dt. 15th October, 2010 (Zirtawpni) khan chatuan ram min lo pansan ta....




Vuitu : Pastor B. Vanlalduha
Thusawi : 1) Gov’t Ch. Chhunga H/S 2) D.E.O, Aizawl West
Chhungkaw aiawh : Pu F. Thanzama, Pi Lalthanmawii
Vuina Hla : Van hmun ropui hmangaih ram khi. (K.H.B No. 489)
Thlanmual Programme : Upa Thangchungnunga

PU RAMFANGLIANA CHANCHIN TLANGPUI

Pian leh murna : Pu.Ramfangliana hi Kum 1954, June 26 khan Lallawmvela(L) leh Hrangkapkimi te fa ni turin Sartuinek Manipur ah alo pianga, naupang pian tha tak leh fel tak ani.

A Unaute : 1) Mary (Nurse) Haragajou(N.C.Hills)
2) Lalhimzo,(Nurse) Halflong Civil Hospital. W/o Laminlam Vaijohei (L)
3) Ramfangliana, Teacher Ch.Chhunga High School H/o Lalthanmawii
4) Lalnunmoi, Headmistress Khomoi(C.C.pur)
5) Huonrodingi, (Nurse, Halflong Civil Hospital) W/o Lala.
6) Tlanglawmkhuma, B.A (Sartuinek) Manipur H/o Moipui
7) Frenchtlingi, L.D.C Forest Dept. Halflong W/o Zoremkung
8) Lalthahuni, Mualhui, Halflong W/o Fala
9) Lalsawmtlingi, Aganwadi workers, Sartuinek W/o Lalsanhim
10) Malakana, B.A Teacher Churachanpur H/o Lilimoi
11) Lalsiemthanga, (Statistician, National Educational Research, Karimganj, Assam H/o Eden

Zirna lam : Kum 1977 khan Parbung High School atangin HSLC a passed a, 1981-ah P.U.(Science) Imphal atangin a passed leh a, tichuan kum 1984-ah U.C.C (Barapani) Shillong-ah B.A a passed leh a. Tichuan kum 1986-ah Aizawl a lo chuang chhuak a, P.C High School-ah leh Secred Heart School-ah a thawh hnu in kum 1989 March thla atangin Govt.Ch.Chhunga High School Luangmualah a boral ni thleng hian a la thawk a ni.
            Kum 1988 khan Lalthanmawii D/o H.Tlanglawma nen innei in, Pathian malsawmna dawngin fa 3
Hmeichhia 1 leh Mipa 2 an nei a, Chawlhhmun vengah an khawsa a ni.
Khawtlang leh Kohhran rawngbawlna : Chawlhhmun Branch Y.M.A-ah kum 1990 atanga kum 1997 thleng Librarian a ni a, Executive Committee Member a lo ni tawh thin bawk. A theih tawk a khawtlang rawngbawl a thahnemngai taka tha leh zung thawh mi a ni.
            Kohhran lamah Presbyterian Kohhran niin, tantu dinhmunah dingin Nilai zan thupui hawngtu a ni a, Finance Committee-ah telin, Sunday School Secretary hun engemaw chen a nih hnuin Puitling Sunday School Zirtirtu niin a boral ni thleng hian he rawngbawlna hi a chelh a ni.
A nat dan tlangpui : Kum 2010, February thla atang khan insawisel tanin Clinic hrang hrangah a inentir a, a hna lamah chawl chuang lovin a kal hram hram thin a. August ni 2, 2010 (Thawhtanni) khan Green Wood Hospital-ah lutin thin Cancer a ni tih hmuhchhuah a ni a, Gauhati-ah refered a ni. August ni 18, 2010 (Nilaini)
khan beiseina sang tak neiin Gauhati-ah an chhuk a, Zunthlum a lo neih tel avangin an zai ngam lova, Halflong-ah chhovin a farnu ten theihtawp a lo buaipuiin Sangbhar-ah tawngtai dam thei pan pui a ni leh a, Tawngdai damtheiin theih tawp a a lo enkawl hnuah a pum puar siak a ngaih avangin Hospital pan tura a rawn angin Halflong pan pui leh a ni a. A chauh em avangin a thian ten thisen an pe a, chumi hnuah September ni 2, 2010 (Ningani) khan In lam an rawn pan ta a ni.
            Tichuan in lamah enkawl chhunzawm zel a ni a. A chhung te, a nau Rodingi (Nurse) leh a unau dang Halflong ami te leh hmun hrang hrang atanga lo kal ten theihtawpin an buaipui zui zel a, a dul a puar thin avangin Doctor koh a ni a, a pum atangin tui leh thisen vawi kua siak chhuah a ni a, tichuan theihtawpa buaipui anih laiin tukin dar 6:30 khan min boral san ta a ni.

No comments: